سٹیفن ھاکنگ اور بگ بینگ

سٹیفن ھاکنگ اور بگ بینگ

سٹیفن ھاکنگ کہتے ہیں کہ بگ بینگ کے بعد کائنات کے پھیلاؤ کا جو عمل شروع ہوا تھا پھیلاؤ کی اس رفتار اور تناسب میں

 اگر محض اتنا سا فرق پڑ جاتا جتنا ایک سیکنڈ کا ایک اربواں حصہ ہوتا ہے اور اس اربویں حصے کے مزید ایک ارب حصے کریں تو جو ساعت بنتی ہے اس ساعت کے برابر فرق بھی اگر بگ بینگ کے بعد پڑ جاتا تو کائنات موجودہ شکل میں آنے سے پہلے تباہ ہو کے ختم ہو جاتی یعنی زندگی وجود میں نہ آتی

ہاں تو اللہ کے انکاریوں سے سوال ہے کہ بگ بینگ کی بات بعد میں کرتے ہیں کہ کس نے کیا یا کیسے ہوا زرا بگ بینگ کے بعد پیدا ہونے والے اس رفتار اور پھیلاؤ کے تناسب کا جواب دیں

اگر تو کائنات سچ مچ ہی ایک حادثہ تھا تو جواب دیں حادثے میں اتنا تناسب کیسے پیدا ہو گیا؟ ایک بات کا جواب دیں ایک نیوکلیئر دھماکے کے نتیجے میں کیا زندگی پیدا ہو سکتی ہے؟ یا کم از کم زندگی کی پیدائش کا عمل شروع ہو سکتا ہے؟ جواب یقینا نہیں ہو گا لیکن درحقیقت ہو سکتا ہے یہ اگر کیلکولیٹڈ طریقے سے ریاضی کے کائناتی اصولوں کو سامنے رکھ کر نیوکلئر دھماکہ اس حساب سے کیا جائے کہ اس کے بعد اتنی مقدار میں تابکاری نکلے، اتنے تناسب اور اتنی رفتار سے اتنے پیمانے پر تباہی پھیلے، پھر اس تباہی کے اثرات اتنے عرصے تک رہیں اور اتنے عرصے بعد ختم ہو جائیں تو زندگی پیدا ہونے کا “عمل” شروع ہو سکتا ہے واضح رہے کہ میں نے زندگی پیدا ہونے کا “عمل” کہا ہے مگر ظاہر ہے یہ کسی کے بھی بس کی بات نہیں ہے کہ اتنا درست حساب کتاب لگا لے

تو سوال یہ اٹھا کہ بگ بینگ جیسے شدید دھماکے کے بعد زندگی پیدا ہونے کا عمل شروع ہوامگر کیوں؟ بقول ملحدین کے کہ کائنات ایک حادثے کا نتیجہ ہے تو اتنا کیلکولیٹڈ حادثہ کیسے ممکن ہے؟ کون تھا جو کائنات کے اس پھیلاؤ اور اس کی رفتار کو مقرر کر رہا تھا؟ یہ کوئی چھوٹی بات تو نہیں ہے ناکہ 13.772 ارب سال پرانی کائنات کی تخلیق کی وجہ ایک دھماکہ بنااور تخلیق کے نتیجے میں 7 ارب سال بعد یعنی آج سے لگ بھگ 4.5 ارب سال پہلے زندگی کے لیے سازگار ماحول پیدا ہوااور دنیا بھر کے ملحدین کا امام سٹیفن ھاکنگ یہ کہتا ہے کہ بگ بینگ کے دھماکے کے بعد اگر سکینڈ کے اربویں حصے کے بھی اربویں حصے کا فرق پھیلاؤ کی رفتار اور تناسب میں پڑ جاتا تو کائنات تخلیق کے تھوڑے عرصے بعد دوبارہ تباہ ہو جاتی ملحدین سے سوال ہے کہ یہ تناسب کس نے پیدا کیا تھا کہ سیکنڈ کے ارب در اربویں حصے کا بھی فرق نہ لگنے پایا جس کے نتیجے میں 13.772 ارب سال بعد تم پیدا ہوئے اور پیدا ہو کے اللہ تعالی کا انکار کرتے ہو